Рождество честного славного Пророка, Предтечи и Крестителя Господня Иоанна

lii-8628704c412c313d78fa0fb1faa3593f.png

Тропарь Предтечи

глас 4
Проро́че и Предте́че прише́ствия Христо́ва,/ досто́йно восхвали́ти тя недоуме́ем мы, любо́вию чту́щии тя:/ непло́дство бо ро́ждшия и о́тчее безгла́сие разреши́ся/ сла́вным и честны́м твои́м рождество́м,// и воплоще́ние Сы́на Бо́жия ми́рови пропове́дуется.

lii-8628704c412c313d78fa0fb1faa3593f.png

Кондак Предтечи

глас 3
Пре́жде непло́ды, днесь Христо́ва Предте́чу ражда́ет,/ и той есть исполне́ние вся́каго проро́чества:/ Его́же бо проро́цы пропове́даша,/ на Сего́ во Иорда́не ру́ку положи́в,// яви́ся Бо́жия Сло́ва проро́к, пропове́дник вку́пе и Предте́ча.

lii-8628704c412c313d78fa0fb1faa3593f.png

Величание


Велича́ем тя, Предте́че Спа́сов Иоа́нне, и чтим е́же от непло́дове пресла́вное рождество́ твое́.

Усекновение главы Иоанна Предтечи

lii-8628704c412c313d78fa0fb1faa3593f.png

Тропарь Предтечи

глас 2
Па́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ пока́зал бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.

 

lii-8628704c412c313d78fa0fb1faa3593f.png

Кондак Предтечи

глас 5
Предте́чево сла́вное усекнове́ние,/ смотре́ние бысть не́кое Боже́ственное;/ да и су́щим во а́де Спа́сово пропове́сть прише́ствие./ Да рыда́ет у́бо Ироди́а,/ беззако́нное уби́йство испроси́вши:/ не зако́н бо Бо́жий, ни живы́й век возлюби́,// но притво́рный, привре́менный.

lii-8628704c412c313d78fa0fb1faa3593f.png

Величание


Велича́ем тя,/ Крести́телю Спа́сов Иоа́нне,/ и почита́ем вси/ честны́я твоея́ главы́// усекнове́ние.

Зачатие честного, славного Пророка, Предтечи и Крестителя Господня Иоанна

lii-8628704c412c313d78fa0fb1faa3593f.png

Тропарь Предтечи

глас 4
Пе́рвее неражда́ющая непло́ды, возвесели́ся,/ се бо зачала́ еси́ Со́лнца свети́льника я́ве,/ просвеща́ти иму́ща всю вселе́нную, слепото́ю неду́гующую./ Лику́й, Заха́рие, вопия́ со дерзнове́нием:// проро́к Вы́шняго есть хотя́й роди́тися.

lii-8628704c412c313d78fa0fb1faa3593f.png

Кондак Предтечи

глас 1
Весели́тся све́тло Заха́рия вели́кий/ со всесла́вною Елисаве́тию сопру́жницею,/ досто́йно зачина́юще Иоа́нна Предте́чу,/ его́же Арха́нгел благовести́, ра́дуяся,/ и челове́цы достодо́лжно почти́м,// я́ко таи́нника благода́ти.

lii-8628704c412c313d78fa0fb1faa3593f.png

Величание


Велича́ем тя, Предте́че Спа́сов Иоа́нне, и чтим е́же от непло́дове пресла́вное рождество́ твое́.

Собор Предтечи и Крестителя Господня Иоанна

lii-8628704c412c313d78fa0fb1faa3593f.png

Тропарь Предтечи

глас 2
Па́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ пока́зал бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.

lii-8628704c412c313d78fa0fb1faa3593f.png

Кондак Предтечи

глас 6
Плотска́го Твоего́ прише́ствия убоя́вся Иорда́н,/ стра́хом возвраща́шеся,/ проро́ческое же служе́ние исполня́я Иоа́нн,/ тре́петом спря́ташеся,/ А́нгельстии чи́ни ужаса́хуся,/ зря́ще Тя во струя́х пло́тию креща́ема,/ и вси́ су́щии во тьме озаря́хуся,// воспева́ющеТя, я́вльшагося и просвети́вшаго вся.

lii-8628704c412c313d78fa0fb1faa3593f.png

Величание


Велича́ем тя, Предте́че Спа́сов Иоа́нне, и почита́ем вси всечестны́й собо́р тво́й.

Первое и второе обретение честной главы Иоанна Предтечи

lii-8628704c412c313d78fa0fb1faa3593f.png

Тропарь Предтечи

глас 4
От земли́ возсия́вши, Предте́чева глава́,/ лучи́ испуща́ет нетле́ния, ве́рным исцеле́ний,/ свы́ше собира́ет мно́жество А́нгел,/ до́ле же созыва́ет челове́ческий род,// единогла́сную возсыла́ти сла́ву Христу́ Бо́гу.

lii-8628704c412c313d78fa0fb1faa3593f.png

Кондак Предтечи

глас 6
Про́роче Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде в ми́ре пропове́дуеши покая́ние.

lii-8628704c412c313d78fa0fb1faa3593f.png

Величание


Велича́ем тя,/ Крести́телю Спа́сов Иоа́нне,/ и почита́ем вси/ честны́я твоея́ главы́// обре́тение.

Третье обретение честной главы святого Пророка, Предтечи и Крестителя Господня Иоанна

lii-8628704c412c313d78fa0fb1faa3593f.png

Тропарь Предтечи

глас 4
Я́ко Боже́ственное сокро́вище сокрове́нное в земли́,/ Христо́с откры́ главу́ твою́ нам, проро́че и Предте́че./ Вси у́бо соше́дшеся в сея́ обре́тение,/ пе́сньми богоглаго́ливыми Спа́са воспои́м,// спаса́юща нас от тле́ния моли́твами твои́ми.

lii-8628704c412c313d78fa0fb1faa3593f.png

Кондак Предтечи

глас 6
Светоявле́нный и Боже́ственный в ми́ре столп,/ со́лнца свети́льник,/ Предте́ча, главу́ светоно́сную и Боже́ственную свою́ показа́вый в конце́х,/ освяща́ет той ве́рно покланя́ющихся и взыва́ющих:// Христо́в прему́дрый Крести́телю, спаси́ всех нас.

lii-8628704c412c313d78fa0fb1faa3593f.png

Величание


Величаем тя, Крестителю Спасов Иоанне, и почитаем вси честны́я твоея главы́ обре́тение

Перенесение десной руки святого Иоанна Предтечи

lii-8628704c412c313d78fa0fb1faa3593f.png

Тропарь на перенесение десной руки Иоанна Предтечи

глас 4
От за́пада возсия́вши Предте́чева рука́,/ лучи́ испуща́ет нетле́ния ве́рным исцеле́ний,/ свы́ше собира́ет мно́жество А́нгел,/ до́ле же созыва́ет челове́ческий род,// единогла́сно возсыла́ти сла́ву Христу́ Бо́гу.

lii-8628704c412c313d78fa0fb1faa3593f.png

Кондак на перенесение десной руки Иоанна Предтечи

глас 6
У́мнаго Со́лнца свети́льник Боже́ственный Предте́ча,/ показа́вый в конце́х светоно́сную свою́ десни́цу,/ ны́не на се́вере озаря́ет е́ю блаже́нное Оте́чество на́ше,/ просвеща́я и освяща́я ве́рно покланя́ющихся, и Христу́ вопию́щих:// спаси́ нас моли́твами проро́ка Твоего́, Царю́ Вы́шний.

lii-8628704c412c313d78fa0fb1faa3593f.png

Величание



Велича́ем тя,/ Крести́телю Спа́сов Иоа́нне,/ и почита́ем вси// честны́я твоея́ руки́ пронесе́ние.

logo_niz.png

Адрес: г. Москва,
Малый Предтеченский переулок, д. 2
(м. Краснопресненская)

Социальные сети

Телефон: (499) 255-65-72
E-mail: info@ioannpr.ru

© 2018 Храм Рождества Иоанна Предтечи на Пресне

Design Veruyu.tv

Храм Рождества Иоанна Предтечи на Пресне

Тел.: (499) 255-65-72

Часы работы с7:00–19:00